Ukrayna prezident aparatının rəhbəri Rusiyaya işləyir?
Ukrayna prezident aparatının rəhbəri Rusiyaya işləyir?
Ukrayna prezidentinin aparatının rəhbəri Andrey Yermak istefaya getməlidir.
Xəbər verilir ki, bunu ABŞ Konqresinin nümayəndəsi Viktoriya Spartz yerli KİV-ə açıqlamasında deyib.
"Bir çox amerikalılar və avropalılar Yermakla bağlı çoxdan ciddi qorxu hiss edirlər. Əgər Yermak onsuz da şübhəli reputasiyaya malik bir adam kimi dövlət xadimi olsaydı, o, bu qış Ukrayna rəhbərliyini Rusiyadan heç bir hücum olmayacağına inandırdıqdan sonra istefa verərdi və bu, Ukraynanın hazırlığını aşağı salardı. Bununla belə, düzgün olanı etmək üçün heç vaxt gec deyil”, - Spartz bildirib.
Onun sözlərinə görə, Yermak ona qarşı qarayaxma kampaniyasına başlayıb. "Təəssüf ki, cənab Yermak keçən həftə qaldırdığım problemləri həll etmək əvəzinə mənə qarşı qarayaxma kampaniyasına başladı", - Spartz bildirib.
Xatırladaq ki, ötən həftə Spartz "Yermakın Ukraynadakı hərəkətləri və onun Rusiya ilə iddia edilən əlaqələri ilə bağlı müxtəlif kəşfiyyat məlumatlarının" mövcud olduğunu açıqlamışdı.
Azadsoz.com
