Ermənilər Azərbaycanın Qarabağ iqtisadi zonasının rus sülhməramlılarının müvəqqəti nəzarətində olan hissəsində texnikum açmaq istəyirlər.

Xəbər verilir ki, bu barədə Gümrü şəhərində keçirilən “Tech Week Gyumri 2022”-də “Instigate mobile”ın maliyyə direktoru Spartak Kürəkyan deyib.

O bildirib ki, bu, “faciəli şəkildə” maşın vurması nəticəsində ölən 29 yaşlı Sona Mnatsakanyanın arzusu imiş və indi ermənilər birləşib, bunu gerçəkləşdirməyə çalışırlar.

Texnoməktəbin açıqlacağı yeri də müəyyən ediblər – Naxçıvanik kəndi.

“İlk məktəbə Sona Mnatsakanyanın adı veriləcək. Layihə üçün 107 min dollar toplamaq lazımdır ki, onun bir hissəsi müxtəlif fondlar sayəsində artıq toplanıb", - Kürəkyan deyib.

Qeyd edək ki, ermənilərin rus sülhməramlılarının nəzarəti altında olan torpaqlarımızda özbaşınalığı və qanunsuz hərəkətləri gündən-günə genişlənir.

Azadsoz.com