Stoltenberq Zelenskinin NATO sammitinə dəvətini təsdiqlədi
Stoltenberq Zelenskinin NATO sammitinə dəvətini təsdiqlədi
NATO-nun Baş katibi Yens Stoltenberq Ukrayna Prezidenti Volodimir Zelenskinin 28-30 iyun tarixlərində İspaniyanın Madrid şəhərində keçiriləcək NATO Sammitində iştirak edəcəyini təsdiqləyib.
Xəbər verilir ki, bu haqda NATO-nun mətbuat xidməti məlumat yayıb.
NATO-nun yeddi ölkəsinin liderlərinin görüşündən sonra Haaqada keçirilən brifinqdə Baş katib qeyd edib ki, Ukraynanın gələcəkdə güclü köməyə ehtiyacı var.
“Bu gün biz sammitə hazırlığı, o cümlədən Ukraynaya həm qısamüddətli, həm də uzunmüddətli perspektivdə güclü dəstəyin zəruriliyini müzakirə etdik. Madriddəki sammitimiz zamanı NATO liderləri qarşısında çıxış edəcək Prezident Zelenskini salamlamağı səbirsizliklə gözləyirəm”, - Stoltenberq bildirib.
Azadsoz.com
