Azərbaycanda keçirilən gözəllik müsabiqəsinin təşkilatçısı Ayla Mais tənqidlərə cavab verib.

Bu barədə o, ARB-də yayımlanan “Elgizlə izlə” verilişində danışıb.

A.Mais bildirib ki, müsabiqəyə giriş sərbəst olub. Təşkilatçı əlavə olaraq vurğulayıb ki, seçim müsabiqəyə müraciət edənlərin arasında aparılıb:

“Biz heç kimi müsabiqəyə gəlsin deyə məcbur edə bilmərik. Nurlanə və İsanın da modellik təcrübəsi var və onlar özlərini səhnədə təqdim edə bilirlər. Ən doğru seçim bu idi”.

Qeyd edək ki, bu il keçirilən “Miss&Mister Azerbaijan 2022” yarışında xanımlar arasında model Nurlanə Vəliyeva “Miss Azərbaycan 2022” adına layiq görülüb.

Bəylər arasında isə model İsa Ələkbərov ilk yerdə qərarlaşıb. Ona fəxri “Мister Azərbaycan 2022” titulu verilib.

Azadsoz.com