“O, uduzmağa hazır deyil” - Ekspert Putinin danışıqlar masasına əyləşəcəyi vaxtı AÇIQLADI
“O, uduzmağa hazır deyil” - Ekspert Putinin danışıqlar masasına əyləşəcəyi vaxtı AÇIQLADI
“O, uduzmağa hazır deyil”.
Xəbər verilir ki, bu fikri Razumkov Mərkəzinin hərbi proqramlar üzrə direktoru Nikolay Sunqurovski Obozrevatel-ə müsahibəsində deyib.
O bildirirb ki, Rusiya Prezidenti Vladimir Putin substantiv sülh danışıqlarına hələ hazır deyil, lakin Rusiyanın Ukraynada nə hazırladığını başa düşmək üçün tərəflər arasında əlaqə olmalıdır.
Ekspertin fikrincə, Türkiyə Prezidenti Rəcəb Tayyib Ərdoğanın Zelenski və Putinlə üçtərəfli telefon danışığı ilə bağlı təşəbbüsü çox münasibdir.
“Prinsipcə, bu danışıqlar, ilk növbədə, xəstənin hərarətinin ölçülməsi, yəni Putinin nə etməyə hazır olduğunu müəyyən etmək mövqeyindən məqsədəuyğun ola bilər. İkincisi, humanitar dəhlizlərlə və ya eyni təchizatla bağlı bəzi şeylər barədə razılığa gəlmək.
Ancaq cari məsələlərin həllində, siyasi məsələlər üzrə yox. Putin heç bir güzəştə getməyə hazır deyil. O, uduzmağa hazır deyil. Və bu nöqteyi-nəzərdən diplomatiyamız Rusiyanın bir vaxtlar bizimlə oynadığı güclü mövqe nümayiş etdirməlidir”, – Sinqurovski bildirib.
O xatırladıb ki, Rusiya vaxtilə “Normandiya” formatında danışıqların bərpasına mane olub, bu danışıqlarda heç bir məna və məzmun görmədiyini iddia edib.
“İndi də eyni şeyi deyə bilərik. Uşaqlar, siz münaqişəni dondurmaq istəyirsiniz? Biz bununla razılaşmayacağıq. Burada heç bir danışıqlar predmeti yoxdur”, – ekspert əlavə edib.
Onun sözlərinə görə, Rusiya Prezidenti Ukrayna Silahlı Qüvvələrinin uğurlarının təzyiqi altında danışıqlar masası arxasına əyləşmək məcburiyyətində qalacaq.
“Qələbələrimiz daha çox hiss olunanda, 2011-ci ildən əvvəlki sərhədlərimizə çatanda, Xarkov razılaşmalarında, Qara dəniz donanması olmayan Krımda., bax, bunlar baş verəndə Putin özü danışıqlara müraciət edəcək. Onun yalnız iki variantı olacaq: ya nüvə silahından istifadə etmək və ya danışıqlar tələb etmək”, – hərbi ekspert deyib.
Bundan əvvəl Türkiyə Prezidenti Ərdoğan ukraynalı və rusiyalı həmkarları Vladimir Zelenski və Vladimir Putini birgə telefon danışığı-konfransı keçirməyə dəvət edib.
Ukrayna Prezidentinin mətbuat katibi Sergey Nikiforov bildirib ki, Rusiya buna razılıq verərsə, Ukrayna tərəfi danışıqların belə formatını nəzərdən keçirməyə hazırdır.
Putinin mətbuat katibi Dmitri Peskov Putinlə Ərdoğan arasında yalnız ikitərəfli söhbəti təsdiqləyib.
Azadsoz.com
