Ukraynanın sabiq Prezidenti Petro Poroşenko üçüncü cəhddə ölkədən çıxa bilib.

Xəbər verilir ki, Poroşenko Avropa xalq partiyasının sammitində iştirak etmək üçün Rotterdama yola düşüb.

Sabiq Prezident bundan əvvəl ölkədən çıxmağa iki dəfə cəhd göstərib. Ali Radanın rəsmi nümayəndə heyətinin üzvü kimi NATO Parlament Assambleyasında iştirak etmək məqsədilə mayın 27-də və 28-də sərhəd-buraxılış məntəqəsinə gələn sabiq prezidenti sərhədçilər geri qaytarıblar.

Bu gün səhər Petro Poroşenko ölkədən çıxmasına yardım göstərilməsi xahişi ilə Prezident Volodimir Zelenskiyə müraciət edib və gedişinin məqsədini açıqlayıb. Yalnız bundan sonra onun Polşa ilə sərhədi keçməsinə icazə verilib.

Azadsoz.com