“Gürcüstan öz milli maraqlarına zidd hərəkət etməyəcək və Rusiyaya qarşı “ikinci cəbhə” açmayacaq”. 

Xəbər verilir ki, bunu Gürcüstanın Baş naziri İrakli Qaribaşvili bildirib. 
Baş nazirin sözlərinə görə, hazırda həbsdə olan keçmiş prezident Mixail Saakaşvili Rusiyaya qarşı hərbi əməliyyatların “ikinci cəbhəsi”ni yaratmaq üçün ötən ilin payızında Gürcüstana gəlib.

"Məlumat var idi ki, Ukraynada müharibə noyabr və ya dekabrda başlamalı idi. Saakaşvili bu məqsədlə gəldi ki, buradan ikinci cəbhə açmağa hazır olsun. Təəssüf ki, ukraynalı dostlarımız bunu təsdiqlədilər, bu, mənə görə çox acınacaqlıdır. Biz milli maraqlarımıza uyğun gəlməyən heç bir iş görməyəcəyik. Gürcüstanda ikinci cəbhə olmayacaq”, - Baş nazir bildirib.

O əlavə edib ki, əgər indi Gürcüstanda Saakaşvili hakimiyyətdə olsaydı, Rusiya ilə müharibə qaçılmaz olardı.

Azadsoz.com