Tunisin Qabes şəhərinin limanı yaxınlığında ticarət gəmisi batıb.

Xəbər verilir ki, bu barədə "Mosaique FM" radiostansiyası məlumat yayıb.

Bildirilib ki, gəminin Türkiyə və Azərbaycan vətəndaşları olan yeddi ekipaj üzvünün hamısı xilas edilib.

Qabes xəstəxanasına çatdırılan zərərçəkənlərin vəziyyəti stabil qiymətləndirilir.

Məlumatda qeyd olunub ki, Ekvatorial Qvineyadan hərəkət edən gəmi su sızması səbəbindən batmağa başlayıb, bundan sonra ekipaj üzvləri siqnal məşəlləri atıblar və bu, sahil mühafizəsinin diqqətini çəkib.

Azadsoz.com