Azərbaycanda “parkovşik”i döyən qadın sürücü saxlanıldı - YENİLƏNİB/ VİDEO
Azərbaycanda “parkovşik”i döyən qadın sürücü saxlanıldı - YENİLƏNİB/ VİDEO
Sumqayıtda parklanma nəzarətçisini döyən qadın sürücü saxlanılıb.
Bunu Daxili İşlər Nazirliyi mətbuat xidmətinin əməkdaşı, polis mayoru Anar Qafarov bildirib.
Onun sözlərinə görə, qadının şəxsiyyəti məlum olub:
“Sumqayıtda parklanma nəzarətçisini döyən qadın sürücünün şəxsiyyəti məlum olub. O, Sumqayıt Şəhər Polis İdarəsinə dəvət edilib. Həmin sürücü barəsində İnzibati Xətalar Məcəlləsinin müvafiq maddəsi ilə tədbir görülüb”.
12:32
Sumqayıtda parklanma nəzarətçisi qadın sürücü tərəfindən döyülüb.
Məlumata görə, hadisə Sumqayıtdakı “Karvan” ticarət mərkəzinin yanında baş verib.
Qadın sürücü naməlum səbəbdən avtomobildən düşərək ərazidə çalışan “parkovşik”i təpikləyib.
Hadisə anı ətrafda olanlar tərəfindən mobil telefonun kamerası vasitəsilə lentə alınıb.
Sözügedən hadisənin görüntülərini təqdim edirik:
Azadsoz.com
