Ramiz Mehdiyev AMEA-ya niyə gəlmişdi? - AÇIQLAMA
Ramiz Mehdiyev AMEA-ya niyə gəlmişdi? - AÇIQLAMA
Bir müddət əvvəl istefa ərizəsi yazan Azərbaycan Milli Elmlər Akademiyasının prezidenti Ramiz Mehdiyevin AMEA-ya gəlmə səbəbi məlum olub.
AMEA-nın Rəyasət Heyətinin mətbuat katibi Azadə Balayeva bildirib ki, o, akademiyanın həqiqi üzvüdür:
“Onun oraya gəlməsində qəribə bir hal yoxdur. Məndə olan məlumata görə, Ramiz müəllim ötən gün şəxsi əşyalarını götürmək üçün AMEA-ya gəlib”.
Qeyd edək ki, ötən gün R.Mehdiyevin AMEA-ya gəldiyi və iclas keçirdiyi barədə məlumat yayılmışdı.
Xatırladaq ki, fevralın 19-da AMEA-nın ümumi yığıncağında onun istefa ərizəsi qəbul edilib.
AMEA-nı tərk edən Ramiz Mehdiyev isə jurnalistlərin suallarını cavablandırmayıb və xidməti avtomobilə minərək oradan uzaqlaşıb.
Azadsoz.com
