Qurban Qurbanov: “Bakıda “Marsel”ə qarşı bundan daha yaxşı mübarizə aparacağıq”
Qurban Qurbanov: “Bakıda “Marsel”ə qarşı bundan daha yaxşı mübarizə aparacağıq”
“Layiqli oyun göstərməyə çalışdıq və bunu bacardıq”.
Xəbər verilir ki, bunu “Qarabağ”ın baş məşqçisi Qurban Qurbanov deyib.
Avropa Konfrans Liqasının pley-off mərhələsində “Qarabağ” Fransada köklü klub olan “Marsel”ə 1:3 hesabı ilə uduzub. Oyundan sonra keçirilən mətbuat konfransında Qurban Qurbanov səhvlərə baxmayaraq, yaxşı oynadıqlarını bildirib:
“Dünən də bildirmişdim ki, “Marsel”in yaxşı baş məşqçisi və fərdi keyfiyyətləri yüksək olan futbolçuları var.
Məni ən çox narahat edən məqam rəqibin ustalıq səviyyəsi idi. Bu gün bəlkə də bu elementlərə görə uduzduq. Amma komandamın oyunundan tam razı qaldım. Bəzi diqqətsizliklər oldu ki, bu da belə komandaya qarşı matçda normaldır. Səfərdə çıxış etməyimizə baxmayaraq, çox yaxşı oyun göstərdik. Evdə bundan daha yaxşı mübarizə aparacağıq. Çünki rəqibi yaxından tanıyırıq. Bakıda azarkeşlərimizi yaxşı oyunla həyəcanlandırmaq istəyirik”.
Azadsoz.com
