Trampın malikanəsində gizli sənədlər tapıldı
Trampın malikanəsində gizli sənədlər tapıldı
ABŞ Milli Arxivlər və Qeydlər İdarəsi ölkənin keçmiş prezidenti Donald Trampın yaşadığı Mar-o-Laqodakı malikanəsində gizli və tam məxfi qeyd olunan bir neçə sənəd tapıb.
Xəbər verilir ki, bu barədə mənbələrə istinadən “Vaşinqton Post” məlumat yayıb.
Arxiv əməkdaşları Trampın Ağ Evdən çıxararaq Mar-o-Laqoya apardığı bir neçə qutu sənəd ələ keçiriblər. Sənədlər arasında Şimali Koreya lideri Kim Çen İnlə yazışmalar və Barak Obamanın 2016-cı ildə ona göndərdiyi mesaj da var.
Tapılan sənədlərin sayı açıqlanmayıb. Nəşr qeyd edir ki, bəzi sənədlər həddən artıq məxfidir və səlahiyyətli şəxslərin yalnız bəziləri bunlardan istifadə hüququna malikdir.
Qeyd edilir ki, Tramp prezident olanda tez-tez Ağ Evdən faylların olduğu qovluqları çıxarıb.
Azadsoz.com
