Salyanda mağazaya basqın oldu – İki yaralı var
Salyanda mağazaya basqın oldu – İki yaralı var
Salyanda mağazaya basqın olub.
Bu barədə Daxili İşlər Nazirliyinin mətbuat xidmətindən bildirilib.
Salyan rayon polis şöbəsinə fevralın 9-da şəhər ərazisindəki marketlərdən birinə gəlmiş naməlum şəxsin oranın sahibi, şəhər sakini A.Cəfərovu bıçaqla hədələyərək 2 000 manat pul tələb etməsi və ona xəsarət yetirməsi barədə məlumat daxil olub.
Dərhal polis əməkdaşları tərəfindən müvafiq tədbirlər həyata keçirilib.
A.Cəfərov xəstəxanaya yerləşdirilib, vəziyyəti qənaətbəxşdir.
Polis əməkdaşlarının “isti izlər”lə keçirdikləri əməliyyat tədbirləri nəticəsində quldurluq əməlini törətməkdə şübhəli bilinən Arbatan kənd sakini, əvvəllər dəfələrlə məhkum olunmuş Ş.Ağamalıyev saxlanılıb.
Bu zaman o, bıçaqla özünün qarın nahiyəsinə xəsarət yetirib.
Dərhal polis əməkdaşları tərəfindən o, xəstəxanaya yerləşdirilib, vəziyyəti qənaətbəxşdir.
Faktla bağlı Salyan rayon polis şöbəsində araşdırma aparılır.
Azadsoz.com
