Cümə, 19 Aprel

Rusiya sülhməramlıları Qazaxıstandan ölkələrinə qayıdıb - YENİLƏNİB

image

KTMT kontingenti tərkibindəki Rusiya qoşunlarının şəxsi heyəti və texnikası iyirmi təyyarə ilə Qazaxıstandan ölkələrinə qayıdıb.

Moskva yaxınlığındakı Çkalovski aerodromunda Qazaxıstandan qayıdan Rusiya sülhməramlılarının təntənəli qarşılanma mərasimi keçirilib.

Rusiya Müdafiə Nazirliyindən verilən məlumata görə, mərasim hərbi yürüşlə başa çatıb.

Qeyd edək ki, Rusiya hərbçilərini Qazaxıstandan ölkələrinə gətirmək üçün əvvəlcədən xəbər verildiyi kimi 19 deyil, 20 təyyarə lazım olub.

10:31

Qazaxıstandan havaya qalxan Rusiya Aerokosmik Qüvvələrinə məxsus 19 hərbi-nəqliyyat təyyarəsindən birincisi Çkalovski aerodromuna eniş edib.

Bu barədə yerli jurnalistlərə Rusiya Müdafiə Nazirliyi məlumat verib.

“Rusiya Aerokosmik Qüvvələrinin İl-76 hərbi-nəqliyyat aviasiyasının KTMT-nin Kollektiv Sülhməramlı Qüvvələrinin rus sülhməramlılarını daşıyan ilk təyyarəsi Qazaxıstandan yola çıxaraq Moskva yaxınlığındakı Çkalovski aerodromuna çatıb”, - hərbi idarə qeyd edib.

Qeyd edilib ki, bütün təyyarələr gəldikdən sonra Hava Desant Qüvvələri komandanlığının iştirakı ilə sülhməramlıların təntənəli toplantısı gözlənilir.

Daha əvvəl Rusiya Müdafiə Nazirliyi bildirmişdi ki, Rusiya Aerokosmik Qüvvələrinin hərbi-nəqliyyat aviasiyasına məxsus 18 İl-76 və bir An-124 təyyarəsi KTMT-nin Kollektiv Sülhməramlı Qüvvələrindən rus sülhməramlılarını və geri qayıdan texnikanı daşıyacaq.

Qeyd edək ki, yanvarın 14-də Ermənistan, Belarus və Tacikistandan olan sülhməramlı kontingentlər texnika və şəxsi heyətin yüklənməsini başa vuraraq Rusiya Aerokosmik Qüvvələrinin İl-76 hərbi-nəqliyyat təyyarəsi ilə vətənlərinə qayıdıb. Qırğızıstan Respublikasının sülhməramlıları bölməsi isə öz hesabına standart texnika ilə yürüş edərək daimi dislokasiya nöqtəsinə qayıdıb.

Bütün sülhməramlıların daimi dislokasiya məntəqələrinə qaytarılmasının yanvarın 19-dək başa çatdırılması planlaşdırılır.

Azadsoz.com

Paylaş:

Digər xəbərlər

Xəbər lenti

image

Bu ölkə İrana nota verdi

  • 15.04.2024 - 15:17
image

Tokayev İrəvandadır - FOTO

  • 15.04.2024 - 11:28