Qazaxıstanda baş verən hadisələrlə bağlı yeni ssenarilər gündəmə gəlməkdədir. İddialara əsasən Qazaxıstanda baş verənlər elitalararası mübarizədir və münaqişə tərəfləri arasında artıq sülhlə bağlı ilkin razılaşmalar əldə olunub. Azadsöz məlumat verir ki, bu barədə Qazaxıstana yaxın telegram kanallarında məlumat verilib.

Mənbənin məlumatına görə, Qazaxıstanda tərəflər sülhün təmin edilməsi məsələsində dialoqa gəliblər. Kompromis variantı isə aydın şəkildə ifadə olunub: Nazarbayev və onun ailəsi öz var-dövlətlərini qoruyub saxlayır, şəxsi təhlükəsizlik zəmanətləri alır və onun ardıcılları Qazaxıstanda dövlətçiliyi məhv edən və idarəolunmaz nəticələrə gətirib çıxaran “Maydan” inqilabını tamamlayırlar.

Lakin eyni zamanda, cəmiyyətin bir hissəsi artıq Nazarbayevi dövlət maşınının dağıdılmasında və hakimiyyətlə cəmiyyət arasında münasibətlərdəki böhranın əsas günahkarı kimi tanıyır. Buna baxmayaraq mənbə Nazarbayevin ictimai rəyi dəyişdirməyə çalışmayacağını qeyd edir.

Qazaxıstanda elitadaxili münaqişələrə son qoymaq mümkün deyil, sosial qəzəb və juzlar arasında ziddiyyətlər yüksək keyfiyyətli dövlət idarəçiliyi tələb edir. Lakin Nazarbayevin tərəfdarları hazırda iğtişaşları dəstəkləməyi dayandırsa, onlar çox tez yox olacaqlar.

Ekspertlər hesab edirlər ki, bu ssenarinin həyata keçirilməsi bütün geosiyasi güc mərkəzlərinin maraqlarına xidmət edir. Lakin onlar şübhə edirlər ki, kənardan dəstək olmadan K.J. Tokayev bu ssenarini reallaşdırmağa qadirdir.

Qazaxıstanda tədricən sabitləşmə perspektivlərindən danışmaq olar, lakin Tokayevin buraxdığı səhvlər ciddi islah işləri tələb edəcək.

“Tokayev keçid fiqurudur, o, KTMT-yə daxil olub, Qazaxıstanı tərk etməyi üstün tutur. Qazaxların isə yeni lideri olacaq”, deyə, mənbə qeyd edir.

Güclər mübarizəsində juzların xeyrinə balanssızlığı aradan qaldıracaq yeni fiqurların ön planda görünməsi tamamilə mümkündür. Çünki mövcud disbalans Qazaxıstanın regionları arasında ciddi ziddiyyətlər yaradır və ölkənin inzibati elitasında təmsilçiliyin fərqli strukturunun yaradılmasını tələb edir.

Azadsoz.com

• Teqlər:
• Qazaxıstan
• Nazarbayev
• Tokayev